సినీ కార్మికులకు ప్రముఖ హాస్యనటుడు అలీ సాయమందించారు. జుబేదాతో కలిసి నిత్యావసర వస్తువులను అందించారు. టాలీవుడ్ లోని 24 శాఖల్లో పని చేసే వారు కరోనా కారణంగా షూటింగ్ లు నిలిచిపోయి అవస్థలు పడుతున్నారని, ఈ క్రమంలోనే వారికి సాయం చేయాలన్న ఆలోచనతో తనకు తోచినరీతిలో రెండు లక్షల విలువైన పదికిలోల బియ్యం, నూనె, గోధుమపిండి, చక్కెరతో పాటు 8 రకాలైన సరుకులను అందించినట్టు అలీ తెలిపారు. గతేడాది కూడా అలీ పలువురు సినీ కార్మికులను ఆదుకున్నారు. ఈ కార్యక్రమంలో అలీ సోదరులు , నటులు ఖయ్యూం, కరీమ్‌ తదితరులు పాల్గొన్నారు.
